shreesuryadoot@gmail.com
શહેરના ઉત્તર ઝોનમાં જાહેરમાં કચરો નાંખીને ગંદકી ફેલાવતા અને પ્રતિબંધિત પ્લાસ્ટિકનો ઉપયોગ કરતા એકમો સામે મ્યુનિ દ્વારા કડક કાર્યવાહી કરવામાં આવે છે. ગુરુવારે પણ ઉત્તર ઝોનના નરોડા, સરદારનગર, વિરાટનગર, કૃષ્ણનગર સહિતના વોર્ડમાં ગંદકી અને ન્યૂસન્સ કરતા ધંધાકીય એકમોમાં તપાસ કરાઈ હતી. જેમાં 5.9 કિલો પ્રતિબંધિત પ્લાસ્ટિક જપ્ત કરવામાં આવ્યું હતું.
જ્યારે રોડ પર ડેબ્રિજ અને ગંદકી કરવા બદલ 7 એકમને સીલ કરવામાં આવ્યા છે. ઉપરાંત ગંદકી કરવા મામલે 295 એકમને નોટિસ ફટકારીને રૂ.81.400 દંડ વસૂલ કરવામાં આવ્યો હતો. જો કે આગામી દિવસોમાં મ્યુનિ દ્વારા આ રીતે જાહેરમાં કચરો નાંખનારા અને ગંદકી ફેલાવાનારા એકમો સામે કાર્યવાહીની ઝુંબેશ હાથ ધરાશે.
