shreesuryadoot@gmail.comકાર વચ્ચે આવતાં ચાલકે બસ ઊભી રાખી હતી
નારોલથી એએમટીએસ બસ લઈને લાલદરવાજા તરફ જતા માર્ગમાં કાર આવતા ડ્રાઈવરે બસ રોકતા શાકભાજીની લારી ધરાવતા યુવકે ઝઘડો કરી મારામારી કરી વજનનો કાંટો મારીને બસનો કાચ ફોડી નાંખ્યો હતો. આ અંગે બસ ડ્રાઈવરે નારોલ પોલીસ સ્ટેશનમાં ફરિયાદ નોંધાવી છે.
શિલજમાં ઠાકોર વાસમાં રહેતા રાજુભાઈ ડામોર (ઉ.45) કોન્ટ્રાકટ બેઝ પર એએમટીએસમાં ડ્રાઈવર તરીકે નોકરી કરી પરિવારનુ ગુજરાન ચલાવે છે. તેઓ દરરોજ ત્રાગડથી લાંભા રૂટની બસમાં ડ્રાઈવીંગ કરે છે. બન્યુ એવુ કે રવિવારે સાંજે સાતેક વાગ્યાની આસપાસ ડ્રાઈવર રાજુભાઈ લાંભા ઇન્દિરાનગરથી બસ સ્ટેન્ડથી પેસેન્જર ભરીને પાછા લાલ દરવાજા બસ લઈને જતા હતા. આ દરમિયાન ઇન્દિરાનગરના બસ સ્ટોપથી 100 મીટર આગળ પહોંચ્યા હશે ત્યાં રસ્તામાં એક કારચાલક આવી જતા ટ્રાફિક જામ થઇ ગયો હતો. આજ સમયે એક યુવક નીકળ્યો અને બસના ડ્રાઈવરને “તારા પિતાજીનો રોડ છે. બસ સાઈડમાં ઉભી રાખ” કહીને તકરાર કરવા લાગ્યો હતો. ડ્રાઈવર રાજુભાઈ બસમાં થી નીચે ઉતરીને યુવકને સમજાવવા જતા હતા ત્યાં તો યુવકે ડ્રાઈવરને ગાલ પર એક લાફો ચોડી દઇ લારીમાંથી લોખંડનો બાટ ઉઠાવીને બસનો આગળના ભાગે મારતા બસનો કાચ ફૂટી ગયો હતો. આ અંગે સચિન પટણી વિરુદ્ધ બસ ચાલકે ફરિયાદ કરી છે.
